Район турында

Район үзәге: Питрәч

Территория: 1361 кв.км

Халык саны: 28,875 мең кеше

Муниципаль берәмлек башлыгы:

422770 Татарстан Республикасы, Питрәч районы, Совет урамы, 18 нче йорт

Тел.: (84367) 3-00-16; факс: (84637) 3-02-01

E-mail: pitriash@tatar.ru 

Район турында

Районга тасвирлама

Питрәч районы Кама алдында урнашкан, төньяктан  Биектау һәм Арча районнары, көнчыгыштан Теләче, көньяктан Балык Бистәсе, Лаеш районнары, ә көнбатыштан Казан шәһәре белән чиктәш. Мөһим су чыганагы булып Мишә елгасы  тора.

Район территориясе составына 21 муниципаль берәмлек керә, алар авыл җирлеге статусын йөртә һәм 73  торак пунктны үз эченә ала.

Район үзәге - Питрәч авылы -  Мишә елгасының уң як сөзәклегендә, Казаннан  45 километр ераклыкта (иң якын тимер юл станциясе) урнашкан. Авыл Явыз Иван гаскәрләре Казанны яулап алганнан соң, 400 ел элек  салынган.

Район территориясе аша Казан-Яр Чаллы һәм Казан-Теләче юллары уза.

Район 1930 елның 10 августында  оеша.

Халкы

Питрәч районы территориясендә 29 мең 023 кеше яши. Шуларның 57,0%ы татарлар, 40,1% - русслар, 0,4% - чуашлар, 0,1% - удмурдлар, 0,1% - мордвалар, 0,1% - марийлар, 0,3% - украиннар, 0,1% - башкортлар, 1,8% -  башка милләт вәкилләре.

Промышленность

Районда авыл хуҗалыгы машина төзелеше (“Пресс” ҖЧҖ) үсеш алган. Районның эре предприятиеләре – “Партнер” ҖЧҖ, район эксплуатация газ хезмәте, “Төзүче” ҖЧҖ.

Авыл хуҗалыгы

Район авыл хуҗалыгы районы булып исәпләнә. Район  җирләрендә бөртеклеләр, бөртекле-кузаклылар һәм азык культуралары, сабан бодае, уҗым арышы, арпа, солы,  бәрәңге игелә.

Терлекчелекнең төп тармаклары: ит-сөтчелек терлекчелеге, кошчылык, атчылык, җәнлекчелек.

Район территориясендә 26 авыл хуҗалыгы формированиеләре, шул исәптән 1 авыл хуҗалыгы кооперативы, 3 ярдәмчел хуҗалык, 14 җаваплылыгы чикләнгән җәмгыять, 3 акционерлык җәмгыяте, 5 КФХ урнашкан.

Районның иң эре предприятиеләре – “Ак Барс-Питрәч” агрофирмасы ААҖ, “Ак барс” кошчылык комплексы” ҖЧҖ, “Газовик” ҖЧҖ (3 бүлекчәдән тора: “Богородск”, “Татарский”, “Шигали”), “Кощак” АХП” ААҖ, “Үшнә” балык хуҗалыгы ААҖ, “Казан” нәсел атлар заводы” ҖЧҖ, “Карповка” ярдәмче хуҗалыгы, “Питрәч-агро” ҖЧҖ, “Рацин-Шәле” ҖЧҖ, “Питрәч азык-төлек корпорациясе” ҖЧҖ.

Медицина

Питрәч район үзәк хастаханәсе – поликлиникасы, стационары, реанимация бүлеге булган  комплекс.

Район халкына 36 медицина учреждениесе медицина хезмәте күрсәтә: Питрәч район үзәк хастаханәсе, Кощак, Ленино-Кокушкино, Пановка,  Шәле табиблык амбулаторияләре һәм 31 фельшерлык-акушерлык пунктлары.

Районның дәвалау-профилактика учреҗдениеләрендә 52 табиб, 189 урта медицина хезмәткәрләре, кече медицина персоналы һәм башкалар – барлыгы 159 кеше.

Мәгариф

Питрәч районында 23 гомум белем мәктәпләре эшли, шулардан: 17 урта, 4 төп, 2 башлангыч мәктәп. VIII  төрдәге коррекция интернат-мәктәбе, 13 мәктәпкәчә балалар учреждениеләре, балалар иҗат йорты, 93 нче һөнәри лицей.

Мәдәният

Районда “Үзәк клуб системалары” муниципаль бюджет учреждениесе (район мәдәният йорты, аның филиаллары, авыл мәдәният йортлары, авыл клублары, киновидео хезмәте бүлеге, автоклуб); Питрәч үзәк китапханәләр системасы” муниципаль бюджет учреждениесе (балалар һәм олылар китапханәсе, авыл филиаллары);  “Питрәч балалар сәнгать мәктәбе” муниципаль белем бирү учреҗдениесе (Кощак бүлекчәсе); “Ленино-Кокушкино балалар сәнгать мәктәбе” муниципаль белем бирү учреждениесе (Пимәр, Пановка бүлекчәләре); “Питрәч туган якны өйрәнү музее” муниципаль бюджет учреждениесе (Керәшен Сәрдәсе авылы филиалы).

Copyright © 2003-2017
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования