Милли проектларны гамәлгә ашыруны контрольдә тоту буенча «Бердәм Россия» нең эшче төркеме Питрәч районында булып кайтты

2019 елның февралендә ТР Дәүләт Советының "Бердәм Россия " фракциясе карары белән Татарстанда илкүләм проектларны гамәлгә ашыруны контрольдә тоту буенча эшче төркем төзелде. Төркем даими рәвештә илкүләм проектларның һәркайсы буенча җәмәгать тыңлаулары үткәрә, шулай ук контроль рейдларга чыга.

ТР Дәүләт Советы рәисе урынбасары, «Бердәм Россия» фракциясе әгъзасы Татьяна Ларионова җитәкчелегендәге рейдта катнашучылар Көек авылында "Светлый» торак комплексында булдылар, анда «Демография» илкүләм проекты кысаларында балалар бакчасы төзелеше бара. Район кунаклары төзелешнең яхшы темплар белән баруын билгеләп үттеләр. 
- Без эшнең графиктан алда баруын күрәбез, – диде Татьяна Ларионова. - Документлар буенча 220 урынга исәпләнгән балалар бакчасы ноябрь аенда тапшырылырга тиеш.
Ул шулай ук булачак тәрбияләнүчеләрнең әти-әниләрен төзелеш эшләрен контрольдә тотарга һәм балалар бакчасы исемен сайлаганда аларның фикерен исәпкә алырга чакырды. 
- Исемне сайлау-балалар бакчасын ачуга әзерләү этабында ата-аналарны җәлеп итәргә, аларны фикердәшләр итәргә мөмкинлек бирәчәк юнәлеш. Беренче адымнардан ук исемеңне сайлап алу өчен, алар балалар бакчасы, төркемнәр, залларның ничек күренәчәге турында уйлаганнар», - дип сөйләде Татьяна Ларионова. Шулай ук ул безнең район инициативасын хуплады: бакчага керү юллары район акчалары хисабына төзеләчәк. 

2019-2021 елларда Татарстанда 12 юнәлеш буенча илкүләм проектларны гамәлгә ашыру өчен бюджеттан 44,6 млрд. сум бүлеп бирелгән. Бу 690 объект төзергә һәм модернизацияләргә мөмкинлек бирәчәк, алар арасында мәктәпләр, балалар бакчалары, мәдәни һәм спорт объектлары, юллар, коммуникацияләр, чистарту корылмалары бар.