Питрәч авылы китапханәсе хезмәткәрләре өлкәннәрнең өйләренә барып хәлләрен белделәр

2018 елның 7 октябре, якшәмбе

Питрәч үзәк китапханәсе өлкән яшьтәге кешеләр белән актив эшли.

Алар китапханәдә үткәрелә торган чараларда даими катнашалар. Күргәзмәләр, әдәби кичәләр, "Хуҗабикә» клубына даими йөриләр. 
Декада дәвамында үзәк китапханәнең уку залында күргәзмә оештырылды, анда өлкән яшьтәге китап укучылар яңа китаплар һәм вакытлы басмалар белән таныша алдылар.

Шулай ук декада барышында китапханә хезмәткәрләре "Йөрәк хәтере" патриотик клубы кысаларында өлкән яшьтәге кешеләргә өйләренә бардылар, китаплар алып килделәр һәм истәлекле бүләкләр тапшырдылар.

Китапханә хезмәткәрләре өлкән буын кешеләренә шатлык һәм яхшы кәеф бүләк итәр дип өметләнә, чөнки ул аларга җәмгыятьтә үзен яшь һәм актив хис итү өчен бик кирәк.