Зыянны кайтару буенча яңа таксалар турында
Россия Хөкүмәте гражданнар һәм юридик затларның су биологик ресурсларына аларны законсыз чыгару (тоту) нәтиҗәсендә китергән зыян суммасын исәпләү өчен яңа таксаларны раслады.
Тиешле карар 2018 елның 3 ноябреннән 9 ноябрьгә кадәр http://publication.pravo.gov.ru рәсми хокукый мәгълүмат порталында урнаштырылган. Документ рәсми басылып чыккан көненнән 10 көн узгач үз көченә керә.
Такса суммасын арттыруның төп максаты-браконьерлыкны кисәтү һәм биологик төрлелекне саклау. Әйтик, судакның таксовая бәясе 13 тапкыр арткан һәм бер нөсхә өчен 3305 сум тәшкил итә. Тыелган уылдык чәчү чорына, законсыз рәвештә судак чыгарган өчен, браконьерга бер нөсхә өчен дәүләткә зыянны 6610 сум күләмендә түләргә туры киләчәк.
Татарстан Республикасы буенча су биологик ресурсларын дәүләт контроле, күзәтчелеге һәм саклау бүлеге балык тоту өлкәсендә гамәлдәге законнарны бозган өчен административ җаваплылык да каралган, дип кисәтә.