Алда соңгы тур уеннары

2019 елның 28 феврале, пәнҗешәмбе

«Питрәч» ир-атлар командасы Казан «Тимерхан»ын кабул итәчәк. Казанлылар инде күптәннән беренче урынны бирмиләр, бер матчта гына оттырып, үз активында 21 очко җыйдылар, «Идель» - 19, ТХФП -17, һәм безнең егетләрнең 16 очко. Откан очракта яки ничьяга питрәчлеләр өченче урынга күтәреләчәк.
Урыннар нәтиҗәләре буенча ярымфинал парлар билгеләнәчәк.
Бүгенге уен 19.45 сәгатьтә башлана.
Якшәмбе, 3 март көнне, Питрәчтә "Питрәч" һәм "Теләче" командалары арасында " А" төркемендә Татарстан беренчелегенә соңгы уен узачак. Беренче әйләнештә теләчелеләр көндәшләрен 4: 1 исәбе белән җиңеп, көчлерәк булдылар.
Бу командалар уеннары һәрвакыт кызыклы һәм мавыктыргыч көрәштә уза. Боз сараенда хоккей яратучыларны кызыклы уеннар карарга көтәбез.