2019 елда «Безнең вакыт – Безнен заман» фестивале эшче һөнәрләр Елына багышланган
2019 елда «Безнең вакыт – Безнен заман» фестивале эшче һөнәрләр Елына багышланган. Бу хакта Татарстан Республикасы Президенты Рөстәм Миңнехановның ел саен үткәрелә торган эшче яшьләр иҗаты ачык республика телевизион фестивале активистлары һәм җиңүчеләре белән очрашуында Татарстан Республикасы сәнәгать һәм сәүдә министры Альберт Кәримов хәбәр итте.
"2019 елда фестиваль эшче һөнәрләр елына багышланган. Ел саен берничә зона этабы, финал һәм фестивальнең гала-концерты уза», - дип билгеләп үтте докладчы.
Кәримов сүзләренчә, «Безнең вакыт – Безнен заман» фестивале быел февраль аеннан ноябрьгә кадәр узачак. Зона турлары Әлмәттә, Зәй, Яр Чаллыда, Казанда узачак. Финал 14 ноябрьдә, ә гала-концертны 16 ноябрьдә "Пирамида" да үткәрү планлаштырыла", - дип хәбәр итте ул.
Министр ассызыклаганча, фестиваль эшче яшьләрнең иҗади үсеше өчен мәйданчык булып тора. «Ул хәл итә торган бурычларның берсе – яшьләр арасында предприятиеләрнең талантлы төркемнәрен формалаштыру, бу яшь кешеләрнең потенциалын гамәлгә ашыру өчен мөһим. Моннан тыш, бу масштаблы хәрәкәт уңай социаль эффектка ия.
"Безнең вакыт – Безнен заман " эшче яшьләр иҗаты ачык республика телевизион фестивале 2013 елдан ТР Президенты Рөстәм Миңнеханов ярдәме белән уздырыла.
2018 елның сентябрендә бишенче чакырылыш Татарстан Республикасы Дәүләт Советының 40 нчы утырышында Татарстан Республикасы Президенты Рөстәм Миңнеханов, республика парламентына еллык юллама белән чыгыш ясап, 2019 елны Татарстанда эшче һөнәрләр елы дип игълан итте.