Питрәчтә билбау көрәше буенча Татарстан чемпионаты узачак, анда 25 тән артык команда – 200 гә якын кеше катнашачак. Ярышлар 23 майдан 26 майга кадәр барачак.
Көн дәвамында мандант комиссиясе утырышы, катнашучыларны үлчәү һәм җирәбә салу узачак.
- Ярышларда катнашучылар һәм кунаклар өчен уңайлы яшәү өчен барлык шартлар да каралган, - дип билгеләп үтте КДЮСШ директоры Илшат Шәфигуллин.
24 майда, җомга көнне, 13: 00 сәгатьтә-чемпионатның рәсми ачылышы, беренчел ярышлар иртән - 9.00 сәгатьтә башланачак. Чара 19.00 сәгатьтә тәмамланачак.
Ярышлар икенче көнне, 25 майда, шимбә көнне 9.00 сәгатьтән 17.00 сәгатькә кадәр дәвам итәчәк.
26 май - командаларның китү вакыты. Ярышлар нәтиҗәләре буенча 84 призер билгеле булачак.
- Питрәчлеләр бу ярышларда инде берничә ел рәттән катнаша, иң көчле унлыкка керә. Быел безнең максат-лидерлар бишлегенә керү, - ди Илшат Шәфигуллин. - Булачак чемпионатта игълан ителгән көрәшчеләр арасында дөнья чемпионнары да аз түгел, алар арасында халыкара класслы спорт мастеры, күп кенә көрәшләрдә җиңүче, дөнья, билбау көрәше буенча Европа Кубогы иясе питрәчле Фәрхәт Фәйзуллин да бар.
Ярышлар Наратлык бору стадионында яки КБЮСШ спортзалында узачак. Барысы да һава шартларына бәйле.