Яшь питрәчлеләр "Куркынычсыз тәгәрмәч-2019" республика йомгаклау конкурсында катнаштылар

2019 елның 9 сентябре, дүшәмбе

Бу конкурста, безнең Питрәч укучыларыннан тыш, республиканың барлык шәһәр һәм районнарыннан балалар катнашты. Катнашучыларның гомуми саны тугыз яшьтән алып унбер яшькәчә, район һәм шәһәр этапларында җиңгән 228 укучы тәшкил итте.

Аларны командаларга дүртәр кеше берләштерде. Бу конкурста балалар үзләренең юл йөрү кагыйдәләрен, автокалада реаль юл шартларын һәм юл - транспорт һәлакәтләрендә зыян күрүчеләргә беренче ярдәм күрсәтү күнекмәләрен күрсәттеләр, шулай ук «Бергә юл хәрәкәте иминлеге өчен» конкурсында үзләренең иҗади сәләтләрен күрсәттеләр, аның кысаларында жюри хөкеменә агитация-пропаганда чыгышын тәкъдим иттеләр.
Катнашучылар шәхси һәм команда зачетларында көч сынаштылар.