Безнең районнан ике гаилә "Нечкәбил-2019 " конкурсы ярымфиналында иң якты һәм иҗади гаиләләрнең берсе булды

2019 елның 24 сентябре, сишәмбе

21 сентябрь көнне Казан шәһәренең Ленин мәдәният йорты базасында «Нечкәбил» республика матурлык, аналар һәм гаилә конкурсы кысаларында Татарстан гаиләләре-2019 «күршеләр бәйрәме»фестивале узды.

Безнең районнан ике гаилә - Мингазова Римма Марсель кызы (яшьләр үзәгенең өстәмә белем бирү педагогы) һәм Моисеева Гүзәл Илфат кызы (балалар иҗаты йорты директоры) катнашты.

«Илһам һәм иҗат» номинациясендә диплом белән Мингазовлар гаиләсе бүләкләнде, ә Моисеевлар гаиләсе «Мәхәббәт һәм тугрылык» номинациясендә диплом алды.