Барысы да ут чигендә хәл ителә
Спорт сезоны көчәя бара, һәр атна саен питрәчлеләр төрле ярышларда катнашалар. Наратлык урманы стадионында җәйге биатлон буенча, РОСТО (ДОСААФ) оешу хөрмәтенә Казан авиация-техник колледжы филиалы укучылары һәм студентлары арасында традицион ярышлар узды.
Быел стартларга районның унбер командасыннан кырыкка якын спортчы чыкты. Узган ел нибары дүрт команда катнашуын исәпкә алсак, бу соңгы елларда рекордлы күрсәткеч.
Ярышларда катнашучыларга ике чакрым - кызларга һәм өч чакрым – егетләргә йөгерергә, ятып пневматик винтовкадан атарга туры килде.
Рөхсәт ителгән һәр кимчелек өчен штраф вакытының 30 секунд өстәлде. Катнашучылар ату мәйданында җитез булырга тырыштылар һәм, әлбәттә, дистанцияне мөмкин кадәр тизрәк узарга тырыштылар.
Беренче булып стартка кызлар чыкты, беренче метрдан ук лидерлык өчен көрәш башланды. Әмма барысы да ут чигендә хәл ителә. Беренче мәктәптән Ралина Хәйриева тиз дә йөгерде, яхшы да атты. Нәтиҗәдә ул 14 минут һәм 4 секунд нәтиҗә белән беренче урынны алды. Икенче урынны Ленино-Кокушкинодан Ләйсән Гарифуллина яулады, ул Ралинага 17 секундта оттырды. Өченче урында район үзәгенең беренче мәктәбеннән тагын бер спортчы Мария Тимерханова, ул район чемпионына бер минуттан артыкка биреште.
Егетләр арасында да призлы урыннар өчен киеренке көрәш барды. Биредә стартка егермедән артык яшь биатлончы чыкты. Шулай ук атуда барысы да хәл ителде, шәле егете Фаил Әхмәтшин нибары өч тапкыр ялгышлык җибәрде, 14 минут 57 секунд нәтиҗә белән ышанычлы рәвештә беренче урынны яулады. Ленино-Кокушкинодан Раил Хәсәнов Фаилгә 35 секундка җиңелеп, икенче булды. Татар Казысыннан Самат Габдуллин өченче урынны алды, ул җиңүчегә 59 секундка оттырды.
Гомумкоманда зачетында беренче урында-ленинокушкинолылар,икенчедә-беренче, өченчедә – Шәле мәктәрләре, калган урыннар түбәндәгечә бүленде: 4. ТТатар Казысы, 5. Икенче мәктәп, 6. Кощаково, 7. Колай, 8. Ттатар Тау Иле, 9. Богородский, 10. Иске Шигали, 10. КАТК филиалы.
Призерлар оештыручылардан истәлекле бүләкләр, грамоталар алдылар.
- Сезон башына карамастан, районның яшь спортчылары яхшы нәтиҗәләр күрсәттеләр, башка ярышларда да лаеклы нәтиҗәләр күрсәтер өчен, атуны тагын да күтәрергә кирәк, - дип кыскача нәтиҗә ясады ярышларның баш хөкемдары, ДОСААФ региональ бүлеге рәисе Илдар Бикмөхәммәтов.