"Киләчәк ориентирлары" форумында Питрәч районы вәкилләре катнаша
Казанда «Киләчәк ориентирлары» форумы старт алды, аның кысаларында меңнән артык катнашучы экологик туризмның нәрсә икәнен һәм аны ничек үстерүен ачыклаячак.
Форум эшендә Питрәч районы вәкилләре дә катнаша. Алар - музей хезмәткәрләре һәм районда узган вакыйгалар фестивальләрен оештыручы Наилә Таҗиева.
Форумны оештыручылар экотуризмны хосусый инвесторлар үстерергә тиеш, ә дәүләтнең бурычы - туры килә торган законнар кабул итү, дип ышана.
Экспертлар аңлатып узганча, экотуристлар классик туристлардан экологиягә сакчыл карашлары белән аерылып тора. Мөмкин булган чаралар - тыюлыкларга, аеруча саклана торган табигый зоналарга бару, табигать һәм җирле мәдәният белән танышу өчен.
Форумның беренче өлеше анда катнашучыларны Көнбатыш илләренең - Швеция, Германия,Литва, Латвия дөнья тәҗрибәсе белән таныштырачак. Шулай ук биредә Россия территориясендә гамәлгә ашырыла торган проектлар тәкъдим ителәчәк.