8 питрәчле үз тармакларында иң яхшылар дип табылды
«Татарстан Республикасы агросәнәгать комплексының иң яхшы хезмәткәре - 2019» республика конкурсы җиңүчеләре билгеле булды.
Аларны котлау Татарстан Республикасы Авыл хуҗалыгы һәм азык-төлек министрлыгында узды.Үз һөнәрләрендә югары нәтиҗәләргә ирешкән 100 иң яхшы тармак вәкилләре 100 мең сум күләмендә премия алдылар. Алар арасында сигез питрәчле дә бар. Алар - «Иң яхшы агроном» номинациясендә Ак Барс ПК ҖЧҖ инженер-механигы Марс Хәмзин, Ак Барс ПК ҖЧҖнең җитештерү буенча директор урынбасары Любовь Астраханцева һәм «АК барс «ПК» ҖЧҖнең инкубатор зоотехнигы Энҗе Сәйфетдинова, «Иң яхшы зоотехник» номинациясендә иң яхшы авыл хуҗалыгы һәм азык-төлек идарәсе консультанты Халит Вәлиуллин, «Ак Барс-Питрәч» ҖЧҖ ветеринария табибы Мансур Сафин һәм «Ак Барс «ПК» ҖЧҖ өлкән ветеринария табибы Илдус Миңнегулов «Иң яхшы ветеринария табибы» номинациясендә, шулай ук авыл хуҗалыгы һәм азык-төлек идарәсе ФЭО консультанты Ләйсән Яруллина «Иң яхшы икътисадчы» номинациясендә. Бүләкләү тантанасында ТР авыл хуҗалыгы һәм азык-төлек министрының беренче урынбасары Наил Залаков, ТР авыл хуҗалыгы һәм азык-төлек министры урынбасарлары Ленар Гарипов һәм Ришат Хәбипов, шулай ук ТР Министрлар Кабинетының Баш ветеринария идарәсе башлыгы катнашты.
.png)