Питрәч районы полиция хезмәткәрләре үзләренең беренче сыйныф укучыларына истәлекле бүләкләр тапшырдылар

2020 елның 21 августы, җомга

Яңа уку елы алдыннан Питрәч районы буенча Эчке эшләр бүлегендә әти-әниләре полиция хезмәткәрләре булган сабыйларга бүләкләр тапшырылды.

Традиция буенча район эчке эшләр бүлеге начальнигы Зөфәр Гарәфиев һәм шәхси состав белән очрашуга беренче сыйныф укучылары әти-әниләре белән бергә килделәр. Балалар яңа сумкалар һәм канцелярия кирәк-яракларын Эчке эшләр бүлеге җитәкчесе кулыннан алдылар, ул аларга котлау сүзе белән мөрәҗәгать итте.