Питрәчлеләр «Созвездие»-«Йолдызлык» фестиваленең зона турында катнаштылар
Безнең яшь талантларны якларга Лаешка район башлыгы Илһам Кашапов килде.
Кичә, 23 мартта, Лаешта «Созвездие-Йолдызлык» эстрада сәнгатенең XXII ачык республика телевизион яшьләр фестиваленең зона этабы узды. Анда Питрәч районыннан бик күп талантлы балалар катнашты.
«Вокаль ансамбльләр» номинациясендә яшьләр үзәгеннән "Карамельки" вокаль ансамбле (кече төркем) һәм Ленино-Кокушкино балалар сәнгать мәктәбеннән "Фантазия" вокаль ансамбле (урта төркем) икенче урынны яуладылар.
«Хореография» номинациясендә беренче урында - "Гретта" хореография коллективы (кече төркем) һәм "Пластилин" хореография студиясе (урта төркем), икенче урында - "Пластилин" кече төркеме, өченчедә - "Ялкын" һәм "Сәяхәт" хореография коллективлары (урта төркем).
«Вокал-соло» номинациясендә өлкән төркемдә Роберт Миңнуллин җиңде, кече төркемдә Ильяс Зөбәеров. Урта төркемдә Кирилл Спичков һәм Полина Назарова 2 нче урынны яуладылар. Махсус призны Цареводан Әмир Яббаров алды.
«Конферанс» номинациясендә "Перчинка" дуэты (Савелий Демидович һәм Виктория Антонова) иң яхшысы булды, икенче урынны Ислам Хәйдәров һәм Ассэль Сәлахова яулады. Көек авылыннан Кәмран Сәлимгәрәев махсус бүләк алды.