Питрәчнең "Созвездие-Йолдызлык-2022" фестивале лауреатлары дәүләт стипендияләрен алды

2022 елның 3 июне, җомга

Җиңүчеләргә һәм гран-при ияләренә бүләкләрне ТР вице-премьеры Ләйлә Фазлыева тапшырды.

Казанда «Созвездие – Йолдызлык-2022» эстрада сәнгатенең XXII ачык республика телевизион яшьләр фестивалендә җиңүчеләргә махсус дәүләт стипендияләрен тапшыру тантанасы узды.

Барлыгы 41 стипендия тапшырылды. Гомуми фонд 2 миллионнан артык сум тәшкил итте. Стипендиатлар арасында питрәчлеләр дә булды. Алар - солист Роберт Миңнуллин һәм алып баручылар дуэты Савелий Демидович һәм Виктория Антонова ("Перчинка").