Марат Нуриев Питрәчтә йортлар ремонтлауның барышы белән танышты

2022 елның 13 июле, чәршәмбе

Эшләр җәй башыннан бара

Питрәчтә Совет урамында инде икенче ай күпфатирлы йортка капиталь ремонт ясыйлар. Эш визиты кысаларында объектта РФ Дәүләт Думасы депутаты Марат Нуриев булды. Төзелеш һәм торак-коммуналь хуҗалык комитеты әгъзасы буларак, РФ торак-коммуналь хуҗалыгының атказанган хезмәткәре үзенең киңәшләрен бирде.

Хәзерге вакытта мансард түбәсен яңарту бара: түбәне, җылыткычны алыштыралар. Металл черепицалар урынына профнастил куячаклар. Су агызу агымы системасына аерым игътибар бирәләр, чөнки элек түбә ага иде. 

Түбәдән соң фасадка күчәчәкләр. Отмосткаларны, цокольләрне ремонтлыйлар, подъезд тәрәзәләрен алыштырачаклар.