Питрәч районында күп балалы гаиләләр өчен 5 километр юл ремонтланачак
Шулай ук Гильдеево авылының җиде урамында һәм Ленино-Кокушкино авылының дүрт урамында да эшләр булачак.
Быел Питрәч районы авылларында 5 километр юл төзекләндереләчәк. Аерым алганда, Кызыл Яшьләр авылының Пекарная урамына килү юлларын төзү планлаштырыла.
Питрәч районында җирле әһәмияттәге юл-урам челтәрен норматив хәлгә китерү буенча өч программа эшли. Бу - юлларның күчеш тибындагы өслекләре булган, асфальт-бетон өслекле юл челтәрен ремонтлау һәм гомуми файдаланудагы юлларда муниципаль юл эшләре программаларын гамәлгә ашыруга юнәлдерелгән программа. Әңгәмәдәш сүзләренә караганда, беренче программа буенча Ленино-Кокушкино, Уланово, Кощаково, Иске Шигали, Званка, Шәле һәм Питрәч авылларында 20 млн сумлык чаралар планлаштырылган.
Икенче программа буенча лимит 15 млн сум тәшкил итә. Шәле авылында Таҗиев урамында, Ленино-Кокушкино авылында Юбилей урамында һәм Питрәчтә Гаврилов урамында юллар ремонтланачак.