Татарстанда күчемсез милеккә ихтыяҗ арткан

Бу хакта Росреестр мәгълүматлары раслый.

Агымдагы елның 7 ае эчендә Татарстан Росреестрына гаризалар, узган ел белән чагыштырганда, 11,6% ка күбрәк килгән. Узган ел күчемсез милек белән исәп-теркәү эшләрен башкаруга 600 меңнән артык гариза бирелгән булса, быел – 675 меңгә якын гаризаның күп өлеше – 604 меңнән артыгы – хокукны теркәүгә. Узган ел белән чагыштырганда, үсеш 15% тәшкил иткән (ул чакта 525 мең шундый гариза бирелгән иде).

Шул ук вакытта күчемсез милекне кадастр исәбенә кую һәм хокукларны теркәү өчен 155 мең гариза электрон рәвештә бирелгән. Татарстанлылар барыннан да ешрак хокукларны теркәү өчен мөрәҗәгать иттеләр.

Бирелгән документларны карау нәтиҗәсендә Татарстан Росреестры тарафыннан ел башыннан июль аена кадәр торак биналарга 167 мең хокук һәм җир кишәрлекләренә 130 мең хокук теркәлгән. Әлеге күрсәткечләр узган елгы күрсәткечләрдән 1-2% тан плюс белән аерыла. Теркәүләрнең иң зур үсеше-50% ка якын (4 200 дән 6 200 гә кадәр) - машина-урынга туры килде.

Июль күрсәткечләренә килгәндә, Татарстан Росреестры мәгълүматларына караганда, май белән чагыштырганда, республика буенча фатирларга ихтыяҗ 30% ка диярлек (4,4 меңнән 5,7 меңгә кадәр), Казанда – 41% ка (1,5 меңнән 2,1 меңгә кадәр) арткан. Шулай ук Индивидуаль торак йортларга (1,1 меңнән 1,4 меңгә кадәр) ихтыяҗ 30% ка артты һәм җир кишәрлекләренә (6,8 меңнән 8,3 меңгә кадәр) ихтыяҗ 22% ка артты. Тулаем алганда, июль аенда Татарстан Росреестры тарафыннан сату-алу килешүләре нигезендә 16 меңнән артык хокук күчеше теркәлгән.

Татарстан Республикасы буенча Росреестр идарәсе җитәкчесе Азат Җаббаров аңлатма бирә:

 "Күчемсез милек базарында объектив сәбәпләр аркасында май аенда күзәтелгән сатып алу активлыгы кимегәннән соң, июль аенда без тагын арту тенденциясен сиздек. Әйтик, май ае белән чагыштырганда (күчемсез милек базарында кимү теркәлгән), июль аенда татарстанлылар күчемсез милекне 23% ка ешрак сатып ала башлады, шул исәптән яңа төзелешләрдә һәм кредит чараларын җәлеп итеп. Шуңа бәйле рәвештә, шул ук май белән чагыштырганда, ипотека килешүләре үсеше - 23%, өлешләп катнашу килешүләрен теркәү-66%".

Шул ук вакытта күчемсез милек базарының профессиональ катнашучылары күчемсез милеккә сорау артуны фаразлый.

ТР риелторлар Гильдиясе вице-президенты Руслан Садриев шәрехли:

"Агымдагы елның апреленнән һәм июнь башына кадәр күчемсез милеккә сорау, шуңа бәйле рәвештә, алыш-бирешләр саны да шактый кимегән, әмма Росреестр статистикасы, 2021 елның шул ук чоры белән чагыштырганда, уңай динамиканы күрсәтә, бу 2022 елның беренче айларында һәм июнь аеннан башлап күчемсез милеккә сорау арта бара. Беренчел һәм икенчел күчемсез милек сегментында, шул исәптән торак йортлар һәм җир кишәрлекләренә ихтыяҗның алга таба да артуы үсәчәк кенә».

   https://rosreestr.tatarstan.ru