Питрәч авылының “Дуслык” паркында 55 яшьлек кешеләр өчен “Сәламәтлек көне” оештырылды
Оештыру-методик кабинет мөдире, Питрәч үзәк район хастаханәсенең табиб-методисты Наталья Ксенофонтова «Көзге-кышкы чорда вируслы авыруларны профилактикалау» темасына лекция үткәрде. Барлык теләүчеләргә кан басымын, кан шикәрен, импульс оксиметриясен үлчәделәр.
Гөлнара Нефедова булачак вакыйга турында подъезддагы игъланнар аша белеп ала һәм шунда ук килү теләге башлана.
Миңа бик ошады, күңел ачтым. Миңа калса, һәр кешенең үз кагыйдәләре, озын гомер серләре бар. Әйтик, мин кечкенәдән үк балык тотарга яратам. Яшь чакта бигрәк тә вакыт булмады, ә пенсиядә көн саен бер сәгать булса да балык тотарга тырышам. Кеше булмаган урыннарны сайлыйм. Анда мин ял итәм, чынбарлыктан тулысынча аерылам, стрессны бетерәм, - дип уртаклашты Гөлнара Нефедова.
Питрәч үзәк район хастаханәсе табиб-терапевты Альбина Касимова теләге булган һәркем өчен җиңел иртәнге гимнастика үткәрде. Әби - бабайлар бу эшкә бик җитди карадылар - барлык күнегүләрне дөрес башкарырга тырыштылар. Озак басып тора алмаганнар урындыкларда утырып зарядка ясадылар. Альбина Касыймова үзе дә өйдә спорт белән шөгыльләнә, чыныга. Ул олы яшьтәгеләргә сәламәтлекләрен саклау өчен берничә киңәш бирде.
Табиб сүзләренчә, өлкән яшьтә сәламәтлек дүрт баганада саклана – бу импульс, басым, холестерин, шикәр. Әгәр бу күрсәткечләр тиешле санда булса, кеше озак яшәячәк һәм авырмаячак.
Чара "Пестречинское долголетие" проекты кысаларында узды. Чараны Татарстан Республикасы Хезмәт, халыкны эш белән тәэмин итү һәм социаль яклау министрлыгының Питрәч районындагы социаль яклау бүлеге оештыра.
