Татарстанда күчемсез милекне башкалардан ешрак ала торган төбәкләр аталды
Татарстан Росреестры мәгълүматлары буенча, Башкортстан һәм Ульяновск өлкәсе халкы безнең төбәктә күчемсез милеккә зур кызыксыну белдерә.
Шулай ук беренче унлыкка Самара өлкәсе, Чувашия, Мәскәү өлкәсе һәм Мәскәү, Удмуртия, Ханты-Манси автономияле округы - Югра, Марий Эл Республикасы һәм Түбән Новгород өлкәсе керде. Барлыгы гыйнвар-августта Татарстан Росреестрына хокукларны экстерриториаль теркәү һәм күчемсез милекне кадастр исәбенә алу өчен башка төбәкләрдән 3 мең 490 гариза кергән, шуларның 1224 е - башкала күчемсез милеген сатып алу.
Казаннан тыш, башка төбәкләрдә яшәүчеләргә шулай ук Яр Чаллы, Ютазы, Яшел Үзән, Биектау һәм Питрәч районнарында урнашкан күчемсез милеккә ихтыяҗ зур.
Татарстан Росреестры экстерриториаль принцип - күчемсез милек объекты урнашкан урынга бәйсез рәвештә, Росреестр хезмәтләре өчен мөрәҗәгать итү мөмкинлеге булуын искә төшерә.
"Мөрәҗәгать итүче РФ башка субъекты территориясендә урнашкан күчемсез милек объектына карата учет-теркәү гамәлләрен башкаруга документлар тапшыра ала. Ягъни моның өчен аңа йорт төбәген ташлап китәргә кирәкми, Мондый "читтән торып" операцияләр үткәрү өчен МФЦның теләсә кайсы офисына мөрәҗәгать итү дә җитә. Шул ук вакытта күчемсез милекне рәсмиләштерү гариза бирүнең гадәти ысулындагы кебек үк срокларда үткәреләчәк. Быел мондый мөмкинлектән 5 меңләп татарстанлы файдаланды инде», - дип сөйләде Татарстан Республикасы буенча Росреестр идарәсе җитәкчесе урынбасары Лилия Борһанова.
ТР риелторлар гильдиясе вице-президенты Руслан Садреев аңлатма бирә
«Татарстан һәм Казан инде күп еллар якын төбәкләрдә яшәүчеләрне генә түгел, бөтен Россиядән сатып алучыларны да җәлеп итә. Даими яшәү өчен күчемсез милек сатып алырга ниятләгән гражданнар да, инвестицияләү максатларында да мөрәҗәгать итәләр. Күчемсез милек белән килешүләрне экстерриториаль рәсмиләштерү - вакытны гына түгел, килешүне башкару урынына баруга бәйле чыгымнарны да янга калдырырга мөмкинлек бирә торган бик уңайлы сервис ".
https://rosreestr.tatarstan.ru