ЕГРНда урман-парк яшел пояслары турында белешмәләр барлыкка киләчәк
Бүген, 15 сентябрьдә, "Күчемсез милекне дәүләт теркәве турында" һәм "Әйләнә-тирә мохитне саклау турында" Федераль законнарга үзгәрешләр керткән Федераль закон (N 66-ФЗ) үз көченә керде. Димәк, ЕГРНга урман-парк яшел пояс турында мәгълүмат кертеләчәк, бу урман-парклар турында мәгълүматны халыкка җиткерергә һәм аларга өстәмә яклау тәэмин итәргә мөмкинлек бирәчәк. Бу яңалык гражданнарның уңайлы әйләнә-тирә мохиткә хокукларын тормышка ашыруга ярдәм итәчәк.
Росреестрда һәм Татарстан Республикасы буенча Роскадастрда аңлатуларынча, урман-парк яшел пояс чикләрен билгеләү, үзгәртү яки аны бетерү турында карар кабул иткәндә, мондый карар кабул иткән РФ субъектының вәкаләтле дәүләт хакимияте органы яки РФ табигый ресурслар һәм экология министрлыгы 5 эш көне эчендә Росреестрга ЕГРНга тиешле мәгълүмат кертү өчен документлар җибәрергә тиеш.
Игътибарга
Урман-парк яшел пояслары - табигатьтән файдалану һәм башка хуҗалык эшчәнлеге чикләнгән зоналар, алар үз эченә урманнар, су объектлары (яки аларның өлешләре), табигый ландшафтлар урнашкан территорияләрне ала. Шулай ук бу шәһәр торак пунктлары чикләрендәге яшел фонд территорияләре, алар урманнарга тоташалар яки алар белән бердәм табигый экологик системаны тәшкил итәләр һәм әйләнә-тирәлекне формалаштыручы, табигатьне саклау, экологик, санитар-гигиена һәм рекреацион функцияләрне башкаралар.
https://rosreestr.tatarstan.ru