Питрәч авылында Тәре йөреше (Крестный ход) булды
Аны округның благочинные иерей Ярослав Петрущенков җитәкләде.
Питрәч авылында якшәмбе көнне илаһи Литургиясе тәмамланганнан соң Питрәч чиркәү округы руханилары, авыл халкы, район администрациясе вәкилләре вакытлыча Изге Троица гыйбадәтханәсеннән, Медиклар урамыннан һәм Николай Чудотворец хөрмәтенә булачак собор гыйбадәтханәсе төзелә торган урынга Тәре йөреше булды.
Булачак гыйбадәтханә нигезенә таш салу урынында Раббыга, Изге Богородицага һәм изге Николайга дога укылды, гыйбадәтханәне тизрәк төзү турында үтенечләр һәм догалар әйтелде.
Ике тәхетле гыйбадәтханәнең эшләнгән проекты бер түбә астында аерым гыйбадәт бүлмәләре хисабына бер үк вакытта төрле телләрдә ике литургия үткәрергә мөмкинлек бирәчәк. Район администрациясе һәм мәхәллә хәйриячеләре гыйбадәтханә төзелешенә әзер, барлык кирәкле техник проект документациясе әзерләнгән, әмма төзелеш башлануга бөтен участок буенча үткән югары вольтлы линияләр комачаулый.
Якын арада төзелешкә комачаулаучы бу коммуникацияләрне күчерергә мөмкинлек тусын өчен дога кылдылар.
Район җитәкчелеге исеменнән авыл халкына сәламләү сүзе белән Башкарма комитет җитәкчесе Никитин Вадим Ильич мөрәҗәгать итте. Ул хакимиятнең киләчәк гыйбадәтханә төзелеше урынын урап узучы электр челтәрләрен күчерү процессын тизләтү өчен бар тырышлыкларын куюын җиткерде.
Ярослав Атакай район җитәкчелегенә бу эштә ярдәм иткәне өчен рәхмәт белдерде. Тәре йөреше тәмамланганнан соң, изге Николай Чудотворец мәхәлләсендә гомуми бәйрәм табыны уздырылды.