1 апрельдән районда балалар бакчаларын комплектлау башланачак
Бүлү «Электрон балалар бакчасы» системасы аша башкарыла.
Бала бакчага алынсын өчен:
Баланы район балалар бакчаларына чиратка куярга (3 тән артык түгел)
🔷«Электрон балалар бакчасы» (АИС ЭДС) автоматлаштырылган мәгълүмат системасында балалар бакчасына юллама алырга. Баланы балалар бакчасына җибәрү турында хәбәрнамә РФ Дәүләт хезмәтләре порталындагы шәхси кабинетка киләчәк (алдан шәхси кабинетта мәгълүмат алуга язылу кирәк).
Баланы мәктәпкәчә белем бирү оешмасына чиратка кую турында гаризаны Россия Федерациясе дәүләт хезмәтләре порталында шәхси кабинет аша, мәгариф бүлегендә (алдан язылу буенча 8(84367) 3-03-54 телефоны буенча), Питрәч авылындагы күпфункцияле үзәктә шәхси кабул итүдә бирергә мөмкин.
2025-2026 уку елына район балалар бакчаларында урыннарны бүлүнең төп этабы 2025 елның 1 апреленнән башланып, 2025 елның 31 августына кадәр дәвам итәчәк. Өстәмә комплектлау (балаларны балалар бакчаларында бушаган урыннарга бүлү) 2025-2026 уку елы дәвамында барачак.
Мөһим‼ Баланы балалар бакчасына кертүгә ташламалар булганда, аның «ЭДС»АИС да актуальлегенә игътибар итәргә кирәк. Ташламаларны раслаучы белешмәләр ярты елга 1 тапкыр яңартылырга тиеш.
Гаризаның статусын даими тикшерегез. Әгәр хәбәрнамә 15 апрельгә кадәр килмәгән булса, район мәгариф бүлегенә алдан язылу өчен 8(84367) 3-03-54 телефоны буенча мөрәҗәгать итегез.
Районда 18 балалар бакчасы эшли. Быел Көек авылында тагын бер төзелеш башланды.
📌Балалы гаиләләргә ярдәм итүнең комплекслы системасы «Гаилә» милли проектының өстенлекле юнәлеше булып тора.