14 апрельдән безнең район территориясендә янгынга каршы махсус режим кертелде.
Ул 11 майга кадәр дәвам итәчәк. Бу хакта Гадәттән тыш хәлләр буенча комиссия утырышында оператив хезмәтләр, районның авыл җирлекләре башлыклары катнашында сөйләштеләр. Утырышны Башкарма комитет җитәкчесе Илназ Дәүләтханов алып барды.
Быел ОПРның төп үзенчәлеге-бу чорда республиканың бөтен территориясендә учак ягуны, каты көнкүреш калдыкларын, коры үләнне һәм чүп-чарны яндыруны тулысынча тыю‼️
Питрәч районында Күн, Кызыл Яшьләр, Шәле, Карповка,ТатЦик авыллары һәм СНТ «Зеленый Дол» кебек урман массивы белән чиктәш торак пунктларда янгынга каршы махсус режим чорында ут кабызу һәм ачык утта ризык әзерләү катгый тыела ‼ Ост башка торак пунктларда ризыкны җилсез вакытта янмый торган махсус савытларда (мангал, Мич) күмердә әзерләргә рөхсәт ителә. Шул ук вакытта биналарга кадәр ара 5 метрдан да ким булмаска тиеш, мангал тирәсендәге чистарту зонасы 2 метрга кадәр до️
Моннан тыш, 1-3 класслы хәвефлелектәге пиротехник эшләнмәләрне куллану тыела‼️ Шулай ук янучан материаллардан идарә ителми торган әйберләр җибәрү тыела, аларны биеклеккә күтәрү принцибы конструкцияләр эчендә һаваны ачык ут ярдәмендә җылытуга нигезләнгән‼️
Шунысын да билгеләп үтәргә кирәк, янгынга каршы махсус режим чорында янгын куркынычсызлыгы таләпләрен үтәмәгән өчен административ штрафлар 2 мәртәбә арттырылды:
гражд гражданнарга - 10 меңнән 20 мең сумга кадәр;
долж вазыйфаи затларга-30 меңнән 60 мең сумга кадәр;
Ю юридик затларга-400 меңнән 800 мең сумга кадәр.
Янгын чыккан очракта кичекмәстән районның бердәм диспетчерлык хезмәтенә 112, 8(84367)3-26-32 телефоннары буенча хәбәр итегез.