Элек производствода зыян күргән Татарстан Республикасының 41 кешесе СФР төбәк бүлекчәсеннән яңа Lada Granta автомобильләре алачак
29 майда СФРның Татарстан Республикасы буенча бүлеге идарәчесе Эдуард Вафин моңа кадәр производствода җәрәхәт алган республиканың берьюлы 23 кешесенә автомобиль ачкычлары тапшырды.
СФРның Татарстан бүлеге тарафыннан автомобильләр сатып алу һәм бирү—производствода бәхетсезлек очраклары нәтиҗәсендә зыян күргән яки хезмәт эшчәнлеге чорында һөнәри авырулар алган гражданнарны медицина, һөнәри һәм социаль тернәкләндерү төрләренең берсе.
Транспорт чарасын алуның төп шарты булып гражданинның тиешле медицина күрсәткечләре булу, шулай ук машина йөртүгә каршы күрсәтмәләр булмау тора, алар зыян күрүчене реабилитацияләү программасында (ПРП) медик-социаль экспертиза бюросы тәкъдимнәрендә автоның конкрет модификациясен күрсәтеп билгеләнгән.
"Автомобильләр тапшыру программасы күптән бар, әгәр пенсия фонды һәм социаль иминиятләштерү фонды берләшкәнче соңгы елда 9 автомобиль тапшырылган булса, быел безнең бүлек дәүләт контракты буенча 41 автомобиль сатып алган, шуларның 23е инде тапшырылган. Калган 18 автомобиль адреслы тапшырылачак, һәм быелгы барлык гаризалар тулысынча канәгатьләндереләчәк. 2026 елда зыян күрүчеләрне транспорт белән тәэмин итү өчен, ноябрьдә без яңа контракт әзерләү процедурасын башлыйбыз.", — дип сөйләде СФРның Татарстан Республикасы буенча бүлеге идарәчесе Эдуард Вафин.
Автомобильләр алучыларның сәламәтлек үзенчәлекләрен һәм физик мөмкинлекләрен исәпкә алып махсус җайлаштырылган һәм җиһазландырылган, җиде елга бер тапкыр бирелә һәм милеккә рәсмиләштерелә. Шул ук вакытта Татарстан Республикасы буенча СФР бүлеге квартал саен агымдагы ремонт һәм ягулык-майлау материалларын, шулай ук транспортны эксплуатацияләү срогы дәвамында бер тапкыр башкарып була торган капиталь ремонт чыгымнарын компенсацияли.Дәүләт контрактлары буенча автомобильләр бирү социаль һәм һөнәри өлкәдә җитештерүдә зыян күрүчеләрне мөмкин кадәр тулырак интеграцияләүгә юнәлдерелгән.
Сорауларыгыз булса, сез һәрвакыт Россия Социаль фондының Татарстан Республикасы буенча бүлекчәсенең Бердәм контакт-үзәгенә мөрәҗәгать итә аласыз: 8-800-1-00000-1 (шалтырату бушлай).