Питрәчтә яшәүчеләр ел саен Санкт-Петербургта уза торган “Ак төннәр” халыкара ярышларында катнаштылар.
«Ак төннәр» 34 нче марафоны 5 июльдә булды. Анда Питрәч авылыннан Алена Вавилова һәм Альбина Фадеева катнашты. Алена - "Татарстан Республикасының техник инвентаризация һәм кадастр эшләре бюросы" АҖ Питрәч бүлекчәсе җитәкчесе, ә Альбина - "Айгөл" балалар бакчасы тәрбиячесе.
Кызлар спорт белән күптән һәм актив шөгыльләнәләр.
«Казанда уза торган марафоннарда катнашабыз. Питерда исә төнлә йөгерү узды һәм безнең өчен бик кызыклы тәҗрибә булды. Быел "Ак төннәр" узышы старты һәм финишы төрле урыннарда булды. Ике дистанциянең дә маршруты "Газпром Арена" янында башлана һәм Сарай мәйданында тәмамлана", - дип билгеләп үттеләр марафонда катнашучылар.
Марафон "Ак төннәр" БРИКС марафоннар Лигасы әгъзасы булып тора - ул Россиянең эре марафоннарын (Мәскәү, Санкт-Петербург, Казан) берләштерә торган проект, ә якын киләчәктә - шулай ук Бразилия, Һиндстан, Кытай, Көньяк Африка һәм БРИКСның башка илләрен берләштерә.
"Россия Спорт" дәүләт программасы халыкка уңайлы инфраструктура булдырырга мөмкинлек бирә.