Советлар Союзы Герое, Питрәч районында туган Петр Михайлович Гавриловның тууына 125 ел тулуга багышланган чаралар Беларусь Республикасында узды.

Юбилей көнендә Брест крепостенең легендар яклаучысы кабере янына ветераннар һәм иҗтимагый оешмалар вәкилләре, "Рус җәмгыяте" әгъзалары, "Брест Крепость-герой" мемориаль комплексы хезмәткәрләре, мәгариф учреждениеләре, өлкә яшьләр патриотик үзәге вәкилләре җыелды.

Мәртәбәле кунаклар арасында - Татарстан Республикасының Белоруссиядәге сәүдә-икътисадый вәкиле Илһам Кашапов, РФ Генераль Консуллыгының Бресттагы вице-консулы Роман Титов.