2025 ел башыннан алып Татарстан Республикасында 4 меңнән артык гаилә ана капиталы белән балаларының уку акчасын түләде
2025 ел башыннан Татарстан Республикасының 4 меңнән артык гаиләсе ана капиталы акчаларын белем бирү хезмәтләре өчен куллана. Россия Социаль фондының Татарстан Республикасы буенча бүлеге бу максатларга 36 млн сумнан артык акча күчергән.
2025 елда ана капиталы күләме түбәндәгечә тәшкил итә:
- беренче баланы тудырганда 690 266,95 сум;
- икенче баланы тудырганда 221 895,14 сум;
- икенче яки аннан соңгы балаларны тудырганда, әгәр хокук элек барлыкка килмәгән булса, 912 162,09 сум.
Белем бирү традицион рәвештә ана капиталын куллануның иң популяр юнәлешләренең берсе булып тора. Программа башланганнан бирле Татарстанда 50 меңнән артык гаилә балаларның белем алуына акча юнәлдергән.
Гаиләләр ана капиталы хисабына укуны да, балалар бакчасында караучылыкны да, түгәрәкләрдә, спорт секцияләрендә, иҗат студияләрендә шөгыльләнүне яки чит тел һәм йөртү курсларын да түли ала. Оешманың белем бирү эшчәнлеге лицензиясе булуы мөһим.
"Ана капиталы Татарстанда гаиләләрне хуплау өчен мөһим корал булды. Күбрәк әти-әниләр белем бирүне өстенлекле юнәлеш итеп сайлый, чөнки бу – балаларның киләчәгенә һәм иртәгесе көнгә ышаныч", – дип ассызыклады Россия Социаль фондының Татарстан Республикасы буенча бүлеге белән идарә итүче Эдуард Вафин.
Балалар бакчасы һәм мәктәпкәчә шөгыльләр өчен түләгәндә, акчаларны ана капиталына хокук биргән баланың яшенә бәйсез рәвештә кулланырга мөмкин. Төп һәм өстәмә белем бирү өчен балага өч яшь тулган булырга тиеш. Ярдәм туган һәм уллыкка алынган балаларга 25 яшькә кадәр, Россия белем бирү оешмаларында укучыларга бирелә.
Гаризаны "Дәүләт хезмәтләре" порталы аша онлайн, күпфункцияле үзәк аша яки СФР клиент хезмәте аша тапшырырга мөмкин. Гариза биш эш көне эчендә карала, кайбер очракларда – унике көнгә кадәр. Акчалар турыдан-туры белем бирү оешмаларына күчерелә.
Россия Социаль фондының Татарстан Республикасы буенча бүлегенең социаль ярдәм чаралары, түләүләр һәм хезмәтләре турында тулы һәм дөрес мәгълүматны СФР сайтында һәм социаль челтәрләрдәге рәсми аккаунтларда табарга мөмкин: ВКонтакте, Одноклассники һәм Телеграм.
Өстәмә мәгълүмат яки консультация алу өчен гражданнар бердәм элемтә үзәге операторларына мөрәҗәгать итә ала — 8 800 100 0001 (төбәк линиясе тәүлек буе эшли – 24/7, шалтырату бушлай).