Татарстанда илкүләм проект кысаларында РФ терәк челтәре составына керүче автомобиль юлларына капиталь ремонт ясалган. Бу хакта ТР Транспорт һәм юл хуҗалыгы министрлыгы матбугат хезмәте хәбәр итә.
2025 елда «Яшәү өчен инфраструктура» милли проектын гамәлгә ашыру кысаларында Россия Федерациясенең терәк челтәре составына керүче региональ әһәмияттәге автомобиль юлларының 29 участогында капиталь ремонт үткәрелде.
Бу юллар Татарстан Республикасы башкаласына килүне тәэмин итә, шәһәрләрне һәм республиканың административ үзәкләрен үзара тоташтыра, шулай ук аэропортларга, тимер юл узелларына һәм эчке су юлларындагы портларга килүне тәэмин итә.
Ремонтланган участокларның гомуми озынлыгы 68 км тәшкил итә, шул исәптән:
– Татарстан Республикасы Әлки муниципаль районында Алексеевск – Югары Колок автомобиль юлын капиталь ремонтлау, 76,0 км-80,4 км;
- Татарстан Республикасының Тәтеш муниципаль районында Тәтеш – Зур Тархан – Ундор автомобиль юлын ремонтлау, 40,3 – 42,1 км;
Татарстан Республикасы Чистай муниципаль районында Чистай-Түбән Кама автомобиль юлын ремонтлау, 13,7 км – 20,1 км;
– Татарстан Республикасы Теләче муниципаль районында Казан – Шәмәрдән автомобиль юлын, 85,2 км-86,6 км-ны ремонтлау.
Исегезгә төшерәбез, Татарстан Республикасы территориясе аша уза торган региональ әһәмияттәге автомобиль юлларының гомуми озынлыгы 1447,5 км тәшкил итә.
Күрсәтелгән нәтиҗәләргә ирешү 85,18% максатчан күрсәткечкә ирешергә мөмкинлек бирәчәк.
"Республикада РФ терәк челтәренә кертелгән төбәк әһәмиятендәге автомобиль юлларын үстерү һәм норматив хәлдә тоту эше дәвам иттереләчәк. Бу бит транспорт каркасын формалаштыручы юллар, алар буенча машиналар, йөкләр һәм пассажирлар агымы хәрәкәт итә. Бу участокларны беренче чиратта саклау һәм үстерү белән шөгыльләнү мөһим", - дип билгеләп үтте ТР Транспорт һәм юл хуҗалыгы министры урынбасары Ранис Фәйзуллин.
Telegram-каналы татмедиада иң мөһим һәм кызыклы булганны күзәтегез
Татарстан яңалыкларын МАХ милли мессенджерында укыгыз: https://max.ru/tatmedia