Татарстанда физика һәм математика укытучылары өчен грантлар саны артты. Тиешле карарны ТР Премьер-министры Алексей Песошин имзалады.

Татарстанда физика, математика һәм информатика педагогларына грантлар саны 350 дән 430 га кадәр арттырылды.

Физика-математика профиле укытучылары арасында грантлар алучылар саны элеккеге 100 дән 130 га кадәр, ә педагоглар – физика-математика түгәрәкләре җитәкчеләре арасында 100 дән 200 гә кадәр артты.

Шул ук вакытта физика-математика профилендәге яшь укытучылар арасында ярдәм алучылар саны 150 дән 100 гә кадәр кимеде.

Грант түләүләренең күләме үзгәрешсез кала: 344 828 сум – физика-математика профиле укытучылары өчен, 275 862 сум – тиешле профильдәге яшь педагоглар өчен, 103 448 сум – физкультура түгәрәкләре җитәкчеләре өчен.

Telegram-каналы татмедиада иң мөһим һәм кызыклы булганны күзәтегез

Татарстан яңалыкларын МАХ милли мессенджерында укыгыз: https://max.ru/tatmedia