Февральдә Россия Социаль фондының Татарстан Республикасы буенча бүлеге социаль һәм иминият түләүләрен индексацияләячәк
2026 елның 1 февраленнән Россия Социаль фондының Татарстан Республикасы буенча бүлеге социаль һәм иминият түләүләренең күләмен арттырачак. Бу ел башыннан пенсияләрнең гыйнвар индексациясеннән һәм яшәү минимумы үзгәрүеннән соң икенче күтәрелеш дулкыны, социаль ярдәмнең күп кенә чаралары шуңа бәйле. 1 февральдән арту күләме, РФ Хөкүмәте карары проекты нигезендә, 5,6% тәшкил итәчәк.
Беренче чиратта бу күтәрелеш инвалид кешеләргә, сугышчан хәрәкәтләр ветераннарына, Бөек Ватан сугышында катнашучыларга һәм федераль ташламаларга хокуклы республиканың башка халкына кагылачак.
Моннан тыш, балалы гаиләләргә түләүләр индексацияләнәчәк: эшләмәүче ата-аналарга 1,5 яшькә кадәрге бала карау буенча айлык пособие, бала туганда яки уллыкка алганда бер мәртәбә бирелә торган пособие, шулай ук йөклелек һәм бала табу буенча бер мәртәбә бирелә торган пособие.Февральдән ул 28,5 мең сум тәшкил итәчәк. Инвалид яки 8 яшьтән баланы уллыкка алган гаиләләр өчен бер тапкыр бирелә торган пособие 217 мең сумнан артып китәчәк.
Шулай ук социаль хезмәтләр җыелмасының акчалата эквиваленты да үсәчәк, ул дарулар белән тәэмин итүне, шифаханә-курорт дәвалануына юлламаларны һәм ташламалы юл йөрүне үз эченә ала. Әгәр алучы компенсациянең акчалата формасын сайлаган икән, аның күләме февральдән якынча 1,8 мең сум тәшкил итәчәк.
Моннан тыш, ана капиталы күләме яңадан саналачак. Иң күп өстәмә сертификат акчаларын кулланмаган гаиләләрне көтә. Алар өчен сумма 728,9 мең сумга кадәр артачак. Файдаланылмаган акчаларның күләме турындагы актуаль мәгълүматны ата-аналар «Госуслуги» порталында карый алачак, Татарстан буенча СФР бүлегенең клиент хезмәтләрендә һәм КФҮләрдә ачыклык кертә алачак.
"Февраль индексациясе социаль ярдәм алучыларның берьюлы берничә категориясенә кагыла-инвалид кешеләрдән һәм ветераннардан алып балалы гаиләләргә кадәр. Барлык яңадан исәпләүләр автомат рәвештә башкарыла, шуңа күрә республика халкына социаль фондка мөрәҗәгать итәргә яки арттырылган күләмдә түләүләр алу өчен гариза бирергә кирәкми», — дип билгеләде СФРның Татарстан Республикасы буенча бүлеге идарәчесе Эдуард Вафин.
Социаль ярдәм чаралары, Россия Социаль фондының Татарстан Республикасы буенча бүлегенең түләүләре һәм хезмәт күрсәтүләре турында тулы һәм дөрес мәгълүматны СФР сайтында һәм социаль челтәрләрдәге рәсми аккаунтларда: ВКонтактеда, Одноклассники һәм Телеграмда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясе тәүлек буе эшли – 24/7, шалтырату бушлай).