2025 елда Татарстанда яшәүче 13 мең кеше пенсия тупланмаларын алган
Пенсия тупланмаларын бер мәртәбә түләү хокукына аз гына тупланмалар суммасы булган гражданнар ия. Узган елда гына да Татарстан Республикасы буенча ОСФР 13 мең кешегә шундый түләү рәсмиләштергән.
Пенсия тупланмаларын элеккеге пенсия яшенә җиткәндә рәсмиләштерергә була: хатын — кызларга — 55 яшьтән, ир-атларга-60 яшьтән. Әгәр кешенең вакытыннан алда пенсиягә хокукы бар икән, тупланмалар өчен иртәрәк тә мөрәҗәгать итәргә мөмкин, әмма бер шарт булганда — кирәкле стаж (15 ел) һәм пенсия коэффициентлары (кимендә 30 ел) булу. Хатын-кызлар өчен 55 яшь һәм ир-атлар өчен 60 яшь тулгач, пенсия тупланмаларын бер тапкыр түләп алу өчен бу таләпләр инде мәҗбүри түгел.
«Пенсия тупланмаларын бер тапкыр түләү - төрле сәбәпләр аркасында шактый зур пенсия капиталын формалаштыра алмаганнарга реаль ярдәм. Иң мөһиме гариза белән мөрәҗәгать итү, һәм акчалар законда билгеләнгән вакытта күчереләчәк», - дип өстәде СФРның Татарстан Республикасы буенча бүлеге идарәчесе Эдуард Вафин.
Тупланмаларны алу мөрәҗәгать итү характерында була. Гаризаны «Госуслуги» порталы аша, социаль фондның теләсә кайсы клиент хезмәтендә яки МФЦда бирергә мөмкин. Әгәр тупланмалар дәүләтнеке булмаган пенсия фондында булса, нәкъ менә шунда мөрәҗәгать итәргә кирәк.
Билгеләнгән тәртип буенча, бер тапкыр бирелә торган түләү карар кабул ителгәннән соң ике ай эчендә күчерелә. Бу срок алар инвестицияләнгән идарәче компаниядән акча чыгару белән бәйле барлык процедураларны төгәлләү өчен кирәк.
Исегезгә төшерәбез, пенсия тупланмаларына хокук варисы булу кагыйдәләре дә кагыла. Кеше үлгән очракта аның акчалары гариза буенча яки закон буенча чират тәртибендә билгеләнгән хокук варисларына тапшырыла. Әгәр кеше исән чагында аны рәсмиләштерергә өлгермәгән булса, алар тупланган акчаның бөтен суммасын алалар. Әлеге кагыйдә тупланмаларны ашыгыч рәвештә пенсия түләвенә генә кагыла.
Социаль ярдәм чаралары, түләүләр һәм хезмәт күрсәтүләр турында тулы һәм дөрес мәгълүматны СФР сайтында һәм MAX, Вконтакте, Одноклассники һәм Телеграм социаль челтәрләрендәге рәсми аккаунтларда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясе тәүлек буе эшли – 24/7, шалтырату бушлай).