Питрәч яшь армеецларының дебюты уңышлы үтте
Безнең районда уку йортлары базасында яшь армеецлар отряды әзерләү буенча пилот проектына әлегә Питрәчнең икенче мәктәбе генә керде. Анда мондый отряд 1 сентябрьдән әзерләнде. Кичә балалар инде беренче тапкыр үз көчләрен республика дәрәҗәсендә сынап карадылар.
- Бедә иң зур уңыш Евгений Сиваевта, ул граната ату буенча өченче урын алды, - дип сөйләде икенче мәктәптә отряд кураторы Евгений Агачев. – Гомумән алганда да, балалар бик лаеклы чыгыш ясадылар, аеруча да аларның көндәшләре Казан кадетлар мәктәбе командалары булганын санаганда. Алар өчен бу сынаулар – гадәти көн тәртибенең аерылгысыз өлеше. Моны оештыручылар да билгеләп үтте.
Яшь армеецларның сынаулары арасында тезелүгә әзерлек, ГТО нормалары – йөгерү, ату, тартылу, сыгылу һәм башкалар булды.