Татарстан Республикасы Питрәч муниципаль районы Советының гражданнар мөрәҗәгатьләрен карау һәм вазыйфаи затларның шәхси кабул итү тәртибен раслау турында

Россия Федерациясе гражданнары мөрәҗәгатьләрен үз вакытында карау максатларында, «Россия Федерациясе гражданнарының мөрәҗәгатьләрен карау тәртибе турында» 2006 елның 2 маендагы 59-ФЗ номерлы Федераль закон, «Татарстан Республикасында гражданнар мөрәҗәгатьләре турында» 2003 елның 12 маендагы 16-ТРЗ номерлы Татарстан Республикасы Законы нигезендә карар бирәм:

1. Татарстан Республикасы Питрәч муниципаль районы Советының вазыйфаи затлары тарафыннан гражданнар мөрәҗәгатьләрен карау һәм шәхси кабул итү тәртибен (алга таба - Тәртип) расларга.

2. Сишәмбе көнне 14.00 сәгатьтән 16.00 сәгатькә кадәр Татарстан Республикасы Питрәч муниципаль районы Башлыгы шәхси сораулары буенча гражданнарны кабул итү көне дип билгеләргә.

3. Татарстан Республикасы Питрәч муниципаль районы Советында гражданнарны шәхси кабул итүне гамәлгә ашыруга, шулай ук Татарстан Республикасы Питрәч муниципаль районы Башлыгы, аның урынбасары һәм Татарстан Республикасы Питрәч муниципаль районы Советы Аппараты җитәкчесе хат-җавапларга кул куюга вәкаләтлеләр.

4. Гражданнар мөрәҗәгате буенча эшне оештыруны, үз вакытында каралуны һәм үтәлешен контрольдә тотуны Питрәч муниципаль районы Советы Аппараты җитәкчесенә йөкләргә.

5. Җаваплы вазыйфаи затлар итеп билгеләп куярга:

- гражданнар мөрәҗәгатьләрен үз вакытында теркәү, шул исәптән Питрәч муниципаль районы Советына почта элемтәсе, электрон документ әйләнеше системасында, муниципаль районның Интернет-кабул итү бүлмәсе аша язмача кабул итү, гражданнарның язма мөрәҗәгатьләрен үз вакытында карап тикшерү һәм үтәүне контрольдә тоту өчен, Питрәч муниципаль районы Советының гомуми бүлек начальнигы Павлова Ирина Юрьевнаны.

-Татарстан Республикасы Питрәч муниципаль районы Башлыгы, аның урынбасары, Татарстан Республикасы Питрәч муниципаль районы Советы Аппараты җитәкчесе тарафыннан гражданнарны шәхси кабул итүне оештыру һәм гражданнарның телдән мөрәҗәгатьләрен, шулай ук Питрәч районы Башлыгының кабул итү бүлмәсе секретарьләренең телефон аша кабул ителгән мөрәҗәгатьләрен үз вакытында карауны һәм үтәүне тикшерү өчен.

6. Үз көчен югалткан дип танырга:

- Татарстан Республикасы Питрәч муниципаль районы башлыгының 2018 елның 12 гыйнварындагы 4 номерлы «Питрәч муниципаль районының вазыйфаи затлары тарафыннан гражданнар мөрәҗәгатьләрен карау һәм шәхси кабул итү тәртибен раслау турында» карарын

- «Питрәч муниципаль районының вазыйфаи затлары тарафыннан гражданнар мөрәҗәгатьләрен карау һәм шәхси кабул итү тәртибен раслау турында «2018 елның 12 гыйнварындагы 4 номерлы Питрәч муниципаль районы Башлыгы карарына үзгәрешләр кертү турында» Татарстан Республикасы Питрәч муниципаль районы башлыгының 2020 елның 13 гыйнварындагы 3-п номерлы карарын.

7. Әлеге карарны Интернет мәгълүмат-телекоммуникация челтәренең Питрәч муниципаль районы рәсми сайтында урнаштырырга.

8. Әлеге карарның үтәлешен контрольдә тотуны Питрәч муниципаль районы Советы Аппараты җитәкчесенә йөкләргә.

Питрәч муниципаль районы башлыгы                                           И.М. Кашапов