Питрәчнең яшь рәссамнары илне сүрәтләп җиңү яуладылар.

Бәйгенең район этабында 25 эш каралды, шуларның 9 иң яхшылары дип сайлап алынды. Бу эшләр республика этабына җибәреләчәк. Бәйге комиссиясе җиңүчеләрне 4 номинациядә билгеләде. Болар: “Волонтер булу – шәп!”, “Лев Толстойның әсәрләрендә һәм әкиятләрендәге яраткан геройлар”, “Без – куркынычсыз юллар яклы!” һәм “Минем ил – минем җаваплылык!”. Җиңүчеләр булып 1 нче номерлы Питрәч урта мәктәбенең 3 нче сыйныф укучысы Рузанова Дарья (укытучысы Гыйзәтуллина Г.К.), Шәле урта мәктәбенең 4 нче сыйныф укучысы Язгөл Гыймадиева (укытучысы Таҗиева И.), Шәле урта мәктәбенең 1 нче сыйныф укучысы Абдуллина Амилә (укытучысы Мөхәмәтгалиева И.), Чыты төп мәктәбенең 4 нче сыйныф укучысы Галиәхмәтов Айназ (укытучысы Галиәхмәтова Г.) танылдылар.

“Бердәм Россия” партиясенең Башкарма комитеты җитәкчесе Ектерина Сорокина  яшь рәссамнарга истәлекле бүләкләр һәм дипломнар тапшырды.