Шәле авылының "Заһир" мәчетендә балалар иҗат бүлмәсен ачу уңаеннан бәйрәм узды.

2018 елның 24 декабре, дүшәмбе

Ачылу тантанасында Питрәч районы имам-мөхтәсибе вазыйфаларын вакытлыча башкаручы Әббәс хәзрәт һәм җирле халык катнашты.

Балалар өчен тиредән исемле браслетлар ясау, "Татлы чыршы уенчыклары" әзерләү, шулай ук хна-мехенди рәсем ясау буенча мастер-класслар үткәрделәр.

Бәйрәм кысаларында "Пәйгәмбәребезнең нәсел шәҗәрәсе" конкурсы үткәрелде, анда 30дан артык эш катнашты. Эшләр агачтан, металлдан, кәгазьләрдән һәм башка кул астындагы материаллардан эшләнгән. Балалар фантазияләрен һәм иҗади сәләтләрен күрсәттеләр.