Питрәч районында авыл яшьләре арасында волейбол буенча беренчелек үтте

2020 елның 14 гыйнвары, сишәмбе

Яшьләр үзәге базасында Татарстан АССР оешуга 100 ел тулуга багышланган авыл яшьләре арасында волейбол буенча беренчелек үтте.

Ярышларда Шәле,Колай, Кибәк Иле, Ленино-Кокушкино һәм Питрәч авыл җирлекләреннән 9 команда катнашты. Уен киеренке һәм мавыктыргыч булды. Һәр команда җиңү өчен лаеклы көрәште. Уен нәтиҗәләре буенча 1 урынны «Виктория» командасы (Питрәч авылы), 2 урынны - «Олимп» командасы (Питрәч авылы), 3 урынны - Колай авылы командасы яулады. Ярышларда җиңүчеләр грамоталар һәм медальләр белән бүләкләнде.