Татарстанда өйдән чыгу өчен цифрлы пропуск эшләтеп җибәрделәр

Татарстан Республикасы Цифрлы үсеш министрлыгы "Ак Барс" Цифрлы трансформация үзәге командасы белән берлектә, үз-үзеңне изоляцияләү режимы вакытында өйдән чыгу өчен цифрлы пропусклар алу өчен сервис эшләде һәм эшләтеп җибәрде. Татарстан әлеге системаны гамәлгә ашырган илдә беренче төбәк булды.

30 марттан башлап Татарстан территориясендә коронавирус инфекциясенең киң таралуына юл куймау сәбәпле, республиканың барлык халкы өчен үз-үзеңне изоляцияләү режимы кертелде. Аны сыйфатлы үтәү һәм гражданнарга уңайлы булсын өчен яңа сервис эшли башлады, анда өйдән чыгу өчен цифрлы пропусклар рәсмиләштерергә мөмкин. Проект Татарстан Республикасының цифрлы трансформация үзәге һәм "Ак Барс Цифрлы технологияләр" командасы белән берлектә тормышка ашырылган.

Пропуск алу өчен системада теркәлергә кирәк. Моның өчен шәхси мәгълүматларны һәм эшкәртүгә ризалык күрсәтеп, 2590 кыска номерга SMS җибәрергә кирәк булачак. Хәбәр текстының үрнәге: теркәлү#Иванов Иван Иванович 9 9200123876#Казан, Спорт урамы, 33#(а) шәхси мәгълүматларны эшкәртүгә риза.

Җавап хәбәрендә яшәүченең шәхесен һәм аның яшәү урынын идентификацияләүче уникаль код киләчәк. Системада республиканың барлык халкына теркәлергә киңәш ителә. Әгәр кеше өйдән якындагы кибеткә, даруханәгә чыкса да, чүп-чар ташлау, йорт хайваннары белән өйдән 100 метр радиуста йөри икән, контрольлек итүче органнар хезмәткәрләре код соратып ала ала, анда булу урынын факттагы урын белән чагыштыру өчен.

Әгәр кешегә үз-үзеңне изоляцияләү вакытында тору урыныннан чыгып китәргә кирәк булса, ул 2590 номерына «максат» тексты белән хәбәр җибәрергә һәм тормыш хәленең номерын күрсәтергә тиеш:

1.судка бару;

2. балигъ булмаганнарны мәгариф оешмаларына китерү;

3. медицина / ветеринария оешмасына бару;

4. җирләүләрдә катнашу;

5. паспортны торгызу;

6.дачага чыгу (шәһәр читендәге йорт) / дачадан кайту (шәһәр читендәге йорттан);

7. кредит оешмалары һәм почта бүлекчәләрендә булу;

8. дарулар, азык-төлек һәм беренче чиратта кирәк-яраклар китерү, эшкә сәләтсез туганнарга ярдәм күрсәтү;

9. яшәү урынын үзгәртү (тору).

Җавап хәбәрендә аның гамәлдә булу вакыты турында мәгълүматлы уникаль код киләчәк. Шул ук вакытта республикада яшәүче бер кеше тәүлегенә яшәү урыныннан китәргә рөхсәтне 2 дән дә артык ала алмый.

Үз-үзеңне изоляцияләү режимы вакытында эшкә йөрергә тиешле Татарстан халкына пропуск рәсмиләштерергә кирәк түгел. Эш урынына барып кайту һәм кире кайту өчен, алар эш бирүче белешмәсе булган очракта өйдән чыга ала. ТР Яшьләр эшләре, спорт һәм туризм министрлыгы волонтерлар хәрәкәте өчен белешмәләр бирүне тормышка ашырачак.