13 апрельдән башлап Татарстан КФҮ алдан язылу буенча кабул итә башлаячак
Вирус инфекцияләре таралуны минимальләштерү максатларында, Татарстан КФҮ 13 апрельдән килүчеләрне бары тик алдан язылу буенча гына кабул итәчәк.
Документларны тапшыру яки әзерләрен алу өчен кабул итүгә алдан язылып куярга кирәк. Моны ТР Дәүләт хезмәтләре порталында, шулай ук КФҮ колл-үзәгендә 8(843) 222-06-20 телефоны буенча эшләргә мөмкин. 11 апрельдә колл-үзәк 16:00 -12 апрель көннәрендә 8:00 дән 15:00 гә кадәр эшли. 13 апрельдән гадәти график буенча: дүшәмбе-җомга 8:00 дән 20:00 гә кадәр, шимбә көнне 8:00 дән 17:00 гә кадәр.
Сайланган көнне КФҮгә билгеләнгән вакытка соң 10 минут алдан һәм 10 минуттан да соңга калмыйча килергә һәм алдан язылу кодын күрсәтергә киңәш ителә. Шул ук вакытта КФҮкә хезмәт сорап нәкъ менә кабул итүгә алдан язылган кеше мөрәҗәгать итәргә тиеш.
Эпидемиологик хәлне тотрыклыландырганчы КФҮләрдә электрон рәвештә алырга мөмкин булган хезмәтләр күрсәтелмәячәк. Аларга карыйлар:
ТР буенча Эчке эшләр министрлыгы хезмәтләре – иске үрнәктәге чит ил паспортын, машина йөртү таныклыгын рәсмиләштерү, хөкем ителмәү турында белешмә, наркотик чаралар кулланган өчен административ җаваплылыкка тарту турында белешмә бирү.
Пенсия фонды хезмәтләре. Алар арасыннан хәзер КФҮтә СНИЛС алырга, пенсия бирү, илтеп бирү, пенсия тупланмаларын инвестицияләү өчен гариза бирергә мөмкин.
Тулысынча күрсәтелми:
Федераль салым хезмәте хезмәтләре
Социаль иминият фонды хезмәтләре
Суд приставлары федераль хезмәте идарәсе хезмәтләре
Росимущество хезмәтләре
БТИ хезмәтләре
Роспотребнадзор хезмәтләре
ЗАГС хезмәтләре
Бизнес өчен хезмәтләр ("МСП" корпорациясе»)
Шулай ук КФҮтә ауга рөхсәтләр бирү һәм үзмәшгульлек сыйфатында теркәү башкарылмаячак.
Игътибар итегез, элек ясалган әлеге хезмәтләр күрсәтүгә алдан язылу хәзерге вакытта гамәлдә түгел.
Үз-үзеңне изоляцияләү чорында КФҮләргә тоткарлыксыз барып җитү өчен, чыгу өчен рөхсәт алырга кирәк. 13 апрельдә цифрлы пропусклар системасында яңа максат – КФҮ офисларында булу барлыкка киләчәк.