Татарстанда һава торышы начараю сәбәпле автобуслар хәрәкәте чикләнде

2021 елның 14 гыйнвары, пәнҗешәмбе

Татарстанда һава шартларының начараюы сәбәпле, муниципальара автобуслар һәм йөк транспорты федераль һәм төбәк әһәмиятендәге юллар буенча хәрәкәт ябыла.

14 гыйнварда 14: 00 сәгатьтә автобуслар хәрәкәтенә вакытлыча чикләү кертелде, 16:00 сәгатьтә – йөк транспорты.

Хәзерге вакытта төбәк әһәмиятендәге юлларга 433 берәмлек кар чистарту техникасы хезмәт күрсәтә.

Синоптикларның фаразлары буенча 14 һәм 15 гыйнварда республикада һава торышы начарлану көтелә: буран, кар, җилнең тизлеге секундына 16 метрга кадәр җитәргә мөмкин, юлларда бозлавык һәм кар көртләре булырга мөмкин.