Питрәч районында коронавируска каршы вакцинация дәвам итә
Без бу тема буенча иң актуаль һәм төп мәсьәләләрне җыйдык. Исегезгә төшерәбез, Прививкага хәзер ТР Дәүләт хезмәтләре Порталы аша язылырга мөмкин.
Прививканы Питрәч РҮХдә ясыйлар. Халык теләге белән медиклар хезмәт коллективларына һәм эре торак-коммуналь хуҗалыкларга барачаклар. Моның өчен 89003279679 номеры буенча кайнар линиягә шалтыратып, гариза бирергә кирәк.
Вакцинация кемгә өстенлекле тәртиптә күрсәтелде?
Вакцинация, беренче чиратта, 55 яшьтән өлкәнрәк кешеләргә киңәш ителә. Бу әлеге яшь категориясендә авыруның тагын да авыррагы һәм өзлегүләр куркынычы зур булу белән бәйле. Шулай ук өстенлекле тәртиптә шикәр диабеты, артериаль гипертензиясе, йөрәкнең авыр ишемик авыруы булган пациентларга һәм симергән пациентларга вакцинация ясарга кирәк.
Антителлар булганда нишләргә?
Антитәнчекләр булу прививкага каршы килү исемлегенә керми.
Балаларны вакциналаштырырга кирәкме?
Балаларга карата вакцина куллану тыела. 18 яшькә кадәрге яшь вакциналаштыруга каршы күрсәткечләр исемлегенә кертелгән.
Тере вируска каршы вакцина бармы?
Юк, Россиядә эшләнелә торган вакциналарның берсендә дә тере вирус юк.
Вакцинация өчен түләргә кирәкме?
Юк, вакцинация гражданнар өчен бушлай. Чыгымнар федераль бюджет һәм РФ субъектлары бюджетлары хисабына финанслана.
Процедура алдыннан тест узарга кирәкме?
КОВИД-19 га каршы вакцинациягә әзерлек вакытында бу мәҗбүри түгел. Әмма соңгы 14 көн эчендә авырулар белән контакт булса яки авыруның соңгы ике атна эчендә нинди дә булса симптомнары булса, тест кирәк булырга мөмкин.
Вакцинация ничек уза?
Вакцина ике компоненттан тора, алар аерым кертелә. Вакциациянең беренче этабы терапевт каравын, вакцинаның беренче компонентын кертүне, процедурадан соң күзәтүне үз эченә ала. Өч атнадан соң үткәрелә торган икенче этап, беренчесенә охшаш, бары тик вакцинаның икенче компоненты гына кертелә. Аны вакцинацияләүнең беренче этабыннан соң 21 нче көнгә кертәләр.
Вакцинациядән соң нинди киңәшләр?
Вакцинациядән соң өч көн дәвамында иньекция урынын юдырмаска, саунага, мунчага йөрмәскә, алкоголь кабул итмәскә, артык физик йөкләнешләрдән котылырга киңәш ителә.
Вакцинацияне узучыларга медицина битлекләрен кияргә кирәкме?
Әйе, КОВИД-19 га каршы вакцина прививкалы пациент өчен битлек кияргә, шулай ук социаль дистанцияне үтәргә кирәклекне юкка чыгармый.
Вакцинациядән соң вируска каршы антитәнчекләр нинди вакыттан соң барлыкка килә?
Бу мәсьәлә буенча тикшеренүләр әле үткәрелә. Беренче мәгълүматлар буенча, максималь саны икенче иньекция ясалганнан 2-3 атнадан соң барлыкка килә.
Вакцина коронавирустан озак сакланырмы?
Хәзерге вакытта бу мәсьәләне өйрәнү дәвам итә, әлегә иммунитет расланган интервалда 5-7 ай. Фаразланган иммунитет-ким дигәндә бер ел.
Россиядә күмәк иммунитет кайчан барлыкка килә?
Галимнәр исәпләп чыгарганча, бу ил халкының 60 проценттан артыгы вакциналаштырылган вакытта булачак.