Питрәч районында БОСК реконструкциясе һәм төзелеше дәвам итә
2021 елда Татарстанда "Экология"илкүләм проектына 1,7 млрд сум бүлеп бирелгән. Аның 1,4 млрд сумын Иделне савыктыруга юнәлдерергә планлаштыралар.
Әйтик, Казанда һәм республиканың Питрәч районы Кощаково авылында 2021 елда елгада канализациянең биологик чистарту корылмаларын масштаблы реконструкцияләү һәм төзү планлаштырыла.
Моннан тыш, «Чиста ил» төбәк проекты кысаларында «Экология» илкүләм проекты кысаларында Түбән Кама районының Прости авылында һәм Минзәләдә законсыз чүплекләрне рекультивацияләү каралган. Моның өчен 146,7 млн сум бүлеп бирелгән.
Шуның белән бергә, «Урманнарны саклау» төбәк проектына 178 млн сум акча бүлеп бирелгән. Бу акчаларга урманнарны янгыннардан саклау чараларын үткәрү өчен махсус техника һәм җиһазлар сатып алыначак.
Исегезгә төшерәбез, 2018 елның маенда Россия Президенты Владимир Путин «2024 елга кадәрге чорга Россия Федерациясе үсешенең милли максатлары һәм стратегик бурычлары турында» гы Указга кул куйды, ул илкүләм проектларны гамәлгә ашыруга старт бирде.