Питрәч районы башлыгы Илһам Кашаповның Халыкара балаларны яклау көне белән котлавы
Хөрмәтле питрәчлеләр – район халкы!
Бүген җәйнең беренче көне һәм традиция буенча 1 июнь – Халыкара балаларны яклау көнен билгеләп үтәбез.
Балалар-ул безнең бәхет, тормыш мәгънәсе, безнең киләчәгебез. Аларны физик яктан сәламәт, рухи яктан бай, акыллы һәм белемле кешеләр, чын патриотлар һәм илебезнең лаеклы гражданнары итеп тәрбияләү мөһим.
Безнең районда моның өчен күп эшләнә. Уңайлы шартлар тудырыла – балалар бакчалары һәм мәктәпләр төзелә, яңа спорт объектлары ачыла, төрле чаралар үткәрелә.
Питрәч районы балалары гаять талантлы. Уку елы дәвамында без аларның уңышларына куандык, аларның һәрберсе белән горурландык. Безнең яшь халык фән олимпиадаларында, спорт ярышларында, төрле дәрәҗәдәге иҗади конкурсларда җиңү яулады, димәк, алар, әле яшьләр, район данын якладылар.
Бу казанышларның барысы да-балалар, ата-аналар, педагоглар һәм тренерларның зур эш нәтиҗәсе. Үсеп килүче буынны тәрбияләүгә көч, вакыт һәм җан өлешен кертүчеләргә ихлас рәхмәт сүзләрен җиткерәм.
Кадерле балалар! Без, өлкәннәр, сезне гадел, игелекле, белемле булырга өйрәтәбез, чөнки сез тормышта үз урыныгызны табуыгызны телибез.
Сезгә нык сәламәтлек, җәйге ял, яңа якты тәэсирләр һәм иң изге теләкләрнең тормышка ашуын телим!