Питрәч районында Рөстәм Миңнеханов электрон сәүдә өлкәсе эшкуарлары белән очрашты

2021 елның 15 июне, сишәмбе

Очрашуда Татарстан Республикасы Хөкүмәте әгъзалары, Питрәч һәм Яшел Үзән муниципаль районнары башлыклары, Татарстан Республикасы сәүдә-сәнәгать Палатасы, Ак Барс Банк, иҗтимагый оешмалар һәм берләшмәләр җитәкчеләре катнашты.

Биредә электрон сәүдәне стимуллаштыру буенча өстәмә чаралар белән бәйле мәсьәләләр хакында фикер алыштылар. Маркетплейсларда үзмәшгульләр продукциясен сату, җиңел сәнәгатьтә эшче белгечлекләргә кытлык, халыкара маркетплейсларга чыгу һәм экспорт операцияләрен камилләштерү.

Видеоконференцэлемтә аша очрашуда катнашучыларга шулай ук «Вайлдберриз» ҖЧҖ генераль директоры Татьяна Бакальчук, «Эшлекле линияләр» ДК генераль директоры Фәрит Мадани, шулай ук «Электрон сәүдә үзәге» АКБОның эксперт Советы әгъзалары да кушылды.

Очрашуның модераторлары - Эшкуарлар хокукларын яклау буенча Татарстан Республикасы Президенты каршындагы вәкаләтле вәкил, Татарстан Республикасы Президенты ярдәмчесе Фәрит Габделганиев һәм ЦЭТ Эксперт советы рәисе, iWENGO электрон коммерция бизнес-мәктәбенә һәм LENNUF маркетплейсларын эшләтеп җибәрү платформасына нигез салучы Юлиана Гордон.

Очрашу Кощаково авылында Е-com PORTAL базасында узды.