Питрәч авылының «Бәләкәч» балалар бакчасы 1 млн. сумлык грант отты

2021 елның 15 июле, пәнҗешәмбе

Россиянең 120 мәктәпкәчә учреждениесеннән барлыгы 56сы финалга узды. Алар арасында питрәчлеләр дә бар.

Питрәч авылының «Бәләкәч» балалар бакчасы мәктәпкәчә яшьтәге балалар белән ата-аналарга ярдәм инфраструктурасын булдыруны тәэмин итүче проектларны тормышка ашыру өчен федераль грантлар конкурсында җиңүче булды. Россиянең 120 мәктәпкәчә учреждениесеннән барлыгы 56сы финалга узды. Алар арасында питрәчлеләр дә бар.
Шунысын да билгеләп үтәргә кирәк, «Бәләкәч» инде икенче ел рәттән грантка ия була. Ә быел нәтиҗәләр балалар бакчасының туган көнендә билгеле булды – аның ачылуына 6 ел тулды.