Питрәчтә эшкуарлар белән алкоголь эчемлекләре әйләнеше турында фикер алыштылар
Питрәч районы бу продукцияне сату күләме буенча беренче урында тора.
Питрәч авылында хакимият бинасында алкогольле һәм сыра базары вәзгыяте буенча комиссия утырышы, аннары эшмәкәрләр белән очрашу узды. Анда ТР Дәүләт алкоголь инспекциясенең территориаль бүлеге начальнигы Марина Егорова катнашты. Ул билгеләп үткәнчә, статистикада бу елның 6 ае эчендә безнең район сату күләме буенча лидер булып тора. Шул ук вакытта легаль булмаган продукцияне сату очраклары да кими. Ярты ел эчендә нибары 2 очрак ачыкланган.
Шул ук вакытта безнең төп бурычыбыз бар: халык сыйфатлы легаль продукция сатып алсын һәм законсыз урыннардан сатып алу мөмкинлеген булдырмасын, - дип ассызыклады спикер.
Эшмәкәрләр белән җыелышта шулай ук иң еш бозулар турында да сөйләштеләр. Бу-алар ягыннан дөрес булмаган мәгълүмат бирү, яраклылык вакыты чыккан эчемлекләр сату.
Һәркем Марина Ивановнага үзләрен кызыксындырган сорау бирә алды. Ул катнашучыларга продукция әйләнеше өлкәсендәге яңалыклар турында сөйләде, төп кагыйдәләрне искә төшерде һәм кызыксындырган барлык сорауларга җавап бирде.