Иске Шигали һәм Колай авылларындагы ишегалларында асфальт булачак

2021 елның 16 августы, дүшәмбе

Эшләр «Безнең ишегалды» республика программасы буенча бара.

Иске Шигалида Механизаторов урамы буенча (1, 2, 3, 4 нче йорт) бөтен территориянең яртысына асфальт салганнар. Автомобильчеләр өчен юллар һәм җәяүлеләр өчен тротуарлар төзекләндерелә. Заводская (1 һәм 2 нче йортлар) һәм Молодежная (3 нче йортлар) урамнарында да шундый эшләр башкарылачак. 
Колайдагы Молодежная (2 һәм 3 нче йортлар) һәм Профсоюзная (32-37 нче йортлар) урамнарында да тротуарларны һәм юлны асфальтлый башладылар. Ком, вак таш җәяләр, бордюралар куялар.

Сентябрь аенда барлык күрсәтелгән адреслар буенча ишегалларына асфальт җәелер дип планлаштырыла.