Питрәч районында террорчылыкка һәм экстремизмга каршы көрәш комиссиясе утырышы узды
Биредә бәйрәм чараларын үткәргәндә куркынычсызлык мәсьәләләре турында фикер алыштылар.
Алда Республика көненә, Белем көненә чаралар үткәрү планлаштырыла. Шулай ук 19 сентябрьдә Бердәм тавыш бирү көне - Россия Федерациясе Федераль Собраниесе Дәүләт Думасы депутатларын сайлау узачак. Шуңа бәйле рәвештә, эшкә җәлеп ителгән барлык учреждениеләрне белгеч-кинолог тарафыннан, шартлаткыч матдәләрне һәм шартлаткыч җайланмаларны ачыклау максатыннан, хезмәт этен кулланып тикшерү оештырылачак.
Шулай ук комиссия утырышында райондагы миграция вәзгыяте турында да сөйләштеләр. 2021 елның 1 яртыеллыгында Питрәч районында вакытлыча яшәү урыны буенча 1371 чит ил гражданы миграция исәбенә куелган, бу узган ел белән чагыштырганда 14,2% ка күбрәк. Миграция законнарын бозу фактларын ачыклау буенча 77 чара үткәрелде, бу 2,5 тапкыр күбрәк.
1 сентябрьдән 30 сентябрьгә кадәр Мәгариф, мәдәният, яшьләр сәясәте һәм спорт учреждениеләрендә терроризмга һәм экстремизмга каршы тору буенча чаралар үткәреләчәк. Иң күп чаралар терроризмга каршы көрәштә бердәмлек көненә - 3 сентябрьдә планлаштырылган. Шулай ук «тормыш Тамчы», «Хәтер шәме» акцияләре, белешмәлекләр тарату планлаштырылган.