Республика көненә Питрәч шәһәрендә яңартылган балалар сәнгать мәктәбе ачылачак
Бу хакта Питрәч районы матбугат хезмәтендә хәбәр иттеләр.
30 августта, Татарстан Республикасы көнендә, Питрәч район үзәгендә капиталь ремонттан соң балалар сәнгать мәктәбе ачылачак.
Гомумән алганда, мәктәптә бюджет нигезендә 195 бала белем алачак, шулай ук быел мәктәпкәчә яшьтәге балалар өчен төркемнәр ачу планлаштырыла, анда балалар ритмика, рәсем һәм вокал белән шөгыльләнәчәк.
Белем бирү оешмасы 50 елдан артык эшли, биредә өч бүлек ачылды: хореография, сәнгать һәм музыка.
Без балаларны баян, фортепиано, скрипка, саксофон, флейта, гитара, кларнетта уйнарга өйрәтәбез. Хореографиягә һәм музыка кораллары бүлегенә 6,5 яшьтән балаларны кабул итәбез. Баян, гитара һәм вокал - 8 яки 9 яшь. Рәсем сәнгате бүлегенә балалар тугыз яшьтән үк укырга керә ала», - дип сөйләде балалар сәнгать мәктәбе җитәкчесе.
Балалар сәнгать мәктәбендә районның төрле торак пунктларыннан — Шәле, Күн, Көек, «Царево» торак комплексыннан килгән балалар укый, мәктәптә дәресләр атнага 2-3 тапкыр уза.
Мәктәпкә керү өчен ата-аналар август азагына кадәр гариза язарга тиеш, ә сентябрь аенда сынаулар башланачак - балаларның музыканы ишетә белү-белмәүләрен тикшерәчәкләр, ә яшь рәссамнар бирелгән темага рәсем ясарга тырышачак. Вокал бүлегендә укучылар биш ел дәвамында белем ала, музыка кораллары бүлегендә - сигез ел, ә сәнгать бүлегендә дүрт ел укырга кирәк.
Бүгенге көндә балалар сәнгать мәктәбе педагогик кадрлар җитми. Гүзәл Моисеева сүзләренә караганда, вокал буенча бер педагог, бер рәссам һәм бер хореография укытучысы таләп ителә.
Без укытучылар эзлибез, мәдәният институтына, сәнгать училищесына мөрәҗәгать итәбез, социаль челтәрләрдә һәм массакүләм мәгълүмат чараларында белдерүләр бирдек, мәшгульлек үзәге белән элемтәгә кердек», — дип билгеләп үтте учреждение җитәкчесе.