Питрәч районында өлкәннәр көненә әзерлек турында сөйлибез.

1 октябрьдә Питрәч районының өлкән халкы өчен район мәдәният йортында Өлкәннәр декадасына багышланган бәйрәм концерты була. Вакыйга кысаларында район башлыгы Илһам Кашапов 50 ел һәм аннан да күбрәк бергә гомер иткән алтын парларны тәбрикләячәк. Башлана-14.30 сәгатьтә. 

Шулай ук ункөнлек кысаларында башка чаралар да оештырылачак:

Әйтик, өлкән питрәчлеләр 50% ташлама белән Питрәчтә матурлык студиясе, чәчтарашханәләр, Наратлык урманында скандинавия йөреше белән шөгыльләнә, «Сула» бассейнында бушлай йөзә алачак. 
Бассейнга бушлай йөрү 1 октябрьдән 10 октябрьгә кадәр иртәнге 9дан кичке 6га кадәр оештырылачак. Моннан тыш, 10.00 сәгатьтән 12.00 сәгатькә кадәр өлкән яшьтәге питрәчлеләр „Мишә“ универсаль спорт залында була алалар, аның эчендә спорт һәм тренажер заллары урнашкан. Шулай ук Питрәч, Ленино-Кокушкино һәм Шәле авылларында шашка, шахмат, өстәл теннисы буенча район ветераннары арасында ярышлар оештырылачак.
Бушлай кинофильмнар район мәдәният йортында 4 октябрьдән 7 октябрьгә кадәр 11.00 сәгатьтә күрсәтеләчәк. Тамашачылар «Эпипэ» татар музыкаль комедиясен, Олимпия чемпионы, чаңгычы Елена Вяльбе турында «Белый снег» Россия фильмын карый алачаклар. Шулай ук бу көннәрдә районда күчмә кинотеатр эшләячәк.
Авыл хуҗалыгы ярминкәләре дә үз эшен җәелдерәчәк. 1 һәм 8 октябрьдә — фермерлардан экологик чиста продукцияне Питрәч авылында, 3 октябрьдә — «Царево усадьбасы» торак комплексында, 5 октябрьдә-Ленино — Кокушкино, 10 октябрьдә-Богородскийда сатып алырга мөмкин булачак.